Қостанай облысындағы Жітіқара аудандық ауруханасының көпбейінді терапевтік және хирургиялық бөлімшелері 19 қарашаға дейін екі апталық карантинге жабылды, деп хабарлайды zakon.kz.
ҚР Денсаулық сақтау басқармасының баспасөз қызметінің хабарлауынша, мұндай шешім қабылдауға коронавирус жұқтырған аурухана қызметкерлері мен емделушілер санының артуы себеп.
Бір ай ішінде 15 дәрігерден және 3 пациенттен вирус анықталған. Сол себепті қос бөлімше уақытша жабылып, науқастар қабылданбайды. Дегенмен аурухананың қабылдау, инфекциялық және босандыру бөлімшесі жұмысын жалғастыра береді.