Батыс Қазақстан облысында коронавирус инфекциясын қайта жұқтыру дерегі анықталды, деп хабарлайды zakon.kz.
- Қайта жұқтыру дерегі бір рет тіркелді. Ол адам пандемия басталғанда-ақ ауру жұқтырған, одан кейін жазда тағы ауырды, - деді брифингте БҚО денсаулық сақтау басқармасы бастығының орынбасары Гүлнар Абдрахманова.
Қазіргі уақытта Қазақстанда коронавирус инфекциясынан 4 981 адам ем-дом алуда, оның ішінде 340-ы - бала. Ауруханаларда - 2 510, амбулаториялық деңгейде 2 471 науқас емделіп жатыр. 148 адамның жағдайы ауыр, 18-інің денсаулығы өте ауыр деп бағаланады, 20 науқас жасанды тыныс алу аппаратына қосылған.
Елімізде коронавирус инфекциясы бойынша жалпы саны 113 741 жағдай тіркелді, оның 106 893-ы емделіп, жазылды.