Алдын ала деректер бойынша, Ұлттық қордың валюталық активтері қазанда 1 млрд долларға төмендеп, қазанның соңында 56,34 млрд долларды құрады, деп мәлімдеді Ұлттық банк төрағасының орынбасары Әлия Молдабекова, деп хабарлайды zakon.kz.
Оның айтуынша, пандемияның екінші толқыны тәуекелдерінің іске қосылуы нарық көрсеткіштерін қайтадан төменге сүйреді. Мәселен, MSCI жаһандық акциялар индексі қазанда 3%-ға төмендеді. Нәтижесінде ағымдағы жылғы 10 айда жаһандық акциялардың кірістілігі теріс және (–) 1%-ды құрайды.
"Нарықтардың құлдырауын ескере отырып, Ұлттық қордың инвестициялық кірісі қазанда теріс қалыптасып, (–) $470 млн болды, оның ішінде акциялар портфелінің құлдырауы $390 млн-ға жуық болды. Соңғы айлардағы теріс серпінге қарамастан Ұлттық қордың инвестициялық кірісінің жыл басынан бастап оң болып қалатынын және шамамен 950 млн болатынын атап көрсеткен жөн. Бюджетке кепілді трансферттерді бөлу түрінде Қордан алу қазанда 230 млрд теңге болды. Осыған байланысты Ұлттық Банк Ұлттық қордың валюталық активтерін шамамен $534 млн сомасына сатты", - деді Ұлттық банк төрағасының орынбасары.