Twitter әлеуметтік желісі Ақ үйдің ведомстволық аккаунттарын Джо Байден әкімшілігіне беруге дайындалуда. Аккаунттар АҚШ-тың сайланған президентінің инаугурациясы өтетін күні – 2021 жылы 20 қаңтарда беріледі, деп хабарлайды zakon.kz CNN-ге сілтеме жасап.
2017 жылы президент ауысқан кездегідей, бұл жұмыс Ұлттық мұрағат басқармасымен бірлесе жасалады, деді Twitter өкілі Ник Пасилио CNN-ге.
Трамп әкімшілігі жариялаған твиттерді АҚШ-тың Ұлттық мұрағат және құжаттама әкімшілігі мұрағаттайды. Сондай-ақ, Трамптың әйелі мен Ақ үй баспасөз хатшысының әлеуметтік желілері де Байденнің тарапына беріледі.