Фейсбукстан тұрғындарының ойын өзгерту мүмкін емес екенін білемін. Бірақ Мәди Ахметов туралы айтуым керек, депті сол facebook-те өзі де ертең депутат болатын Айдос Сарым.
Мәди Ахметовпен Алматы қаласының Қоғамдық кеңесінде жұмыс істедік. Енді парламент қабырғасында жұмыс істейік деп отырмыз.
Мәди шын мәнінде дұрыс адам, жастардың лидері. Партиялық тізімге сөйлеген сөздері үшін емес, атқарған нақты жұмыстарының арқасында енді. Не айтса да, ол өзінің пікірі ғой, дейді Сарым.
Сосын пост авторы Мәдиге өзінің ағалық ақылын береді:
Мәди, қоғамның сөзіне құлақ аспай-ақ қой. Уильям Уоллас туралы Мел Гибсон түсірген фильмде ұлына билігін тапсырып жатқан корольдің мынадай қанатты сөзі бар: Егер сені қарғап-сілеп жатса, сен саясатқа дайынсың!