Мәжілісте VII шақырылым депутаттары Палатаның Төрағасы сайлануда, деп хабарлайды zakon.kz.
Рәсім жасырын дауыс беру арқылы өтуде. Ол үшін Мәжіліс холында арнайы кабиналар жабдықталып, сайлау жәшігі орнатылған. Дауыстарды санау үшін Есеп комиссиясы жасақталып, оның төрағасы - Мәжіліс депутаты Мұхтар Ерман, хатшысы - Айгүл Нұркина болды.
Мәжіліс Спикері қызметіне сайлану үшін бюллетеньге "Nur Otan" партиясы фракциясының депутаттары ұсынған Нұрлан Нығматулиннің кандидатурасы енгізілді.