Руслан Бекетаев Қазақстан Республикасынан Еуразиялық экономикалық комиссияның министрі болып тағайындалды, деп хабарлайды zakon.kz.
Тиісті шешімді Жоғары Еуразиялық экономикалық кеңес қабылдады. Бекетаевтың құзыретіне бизнесті дамыту, қаржы саясаты, еңбек көші-қоны және Еуразиялық экономикалық одақтағы әлеуметтік қорғау мәселелері кіреді.
Комиссиядағы бұл қызметте Бекетаев Тимур Жақсылықовтың орнын басты. Ол өз кезегінде ҚР Ұлттық экономика бірінші вице-министрі қызметіне тағайындалды. Тимур Жақсылықов ЕЭК экономика және қаржы саясаты жөніндегі министрі болатын.