Синоптиктер 4-6 қыркүйекке арналған ауа-райы болжамын ұсынды, деп хабарлайды zakon.kz.
Гидрометеорологиялық қызметтің хабарлауынша, Қазақстанның батысында жаңбыр жауып, ауа температурасы төмендейді.
"Елміздің батыс өңірлері белсенді фронтальды аумақта болады. Соның әсерінен найзағай жарқылдап, бұршақ түсіп, екпінді жел тұрады әрі ауа температурасының төмендеуі күтіледі. Республикамыздың қалған аумағында антициклонның әсерінен құрғақ және шуақтыкүн райы сақталады", деп хабарлайды "Қазгидромет" РМК.
Синоптиктердің болжамынша, еліміздің батысында, солтүстік-батысында түнде ауа температурасы +7 ... +18, күндіз +17....+26 градус, солтүстік өңірде сынап бағаны түнде +4 ... +13, күндіз +22....+30 градус, орталықта және шығыста түнде ауа температурасы +2....+17, күндіз +25....+36 градус, республикамыздың оңтүстігі мен оңтүстік-шығысында ауа температурасы түнде +14 ... +22, күндіз +29....+38 градус ыстық болады.