ҚР Сыртқы істер министрлігі Инвестициялар комитетінің төрағасы жаңадан тағайындалды, деп хабарлайды zakon.kz.
Ардақ Темірханұлы Зебешев ҚР Сыртқы істер министрлігі Инвестициялар комитетінің төрағасы болып тағайындалды, деп хабарлайды ҚР Сыртқы істер министрлігінің баспасөз қызметі.
Ардақ Зебешев 1981 жылы Оңтүстік Қазақстан облысында (қазіргі Түркістан облысы) дүниеге келген. Еңбек жолын 2003 жылы Шымкент қаласы әкімінің еңбек және халықты әлеуметтік қорғау бөлімінің ұйымдастыру, кадрлық және талдау жұмыстарын басқаруда бас маман болып бастады. Осы жылдар ішінде ол ҚР Ауыл шаруашылығы министрлігінде, Қазақстан Республикасының Өзбекстан Республикасындағы елшілігінде, сондай-ақ ҚР Премьер-министрінің Кеңсесінде жұмыс істеді.
2016-2018 жылдары "Самұрық-Қазына" ҰӘҚ" АҚ басқарма төрағасының хатшылығының меңгерушісі қызметін атқарды.
2018-2019 жылдары ҚР Премьер-министрінің орынбасары, ҚР Ауыл шаруашылығы министрінің кеңесшісі болды.
2019 жылдың сәуірінен 2020 жылдың наурызына дейін ҚР Сыртқы істер министрлігі Инвестициялар комитетінің Инвестициялық жобаларды қолдау және іске асыру департаментінің бастығы лауазымын атқарды.
2020 жылдың наурыз айынан бастап қазіргі уақытқа дейін ҚР Сыртқы істер министрлігі Инвестициялар комитеті төрағасының орынбасары болып жұмыс істеді.