Қазақстан құрамасы Литвада футзалдан әлем чемпионатына қатысуда, деп хабарлайды zakon.kz.
Кеше алғашқы жартылай финалистер анықталды. 26 қыркүйекте ширек финалдың екі ойыны өтті. Бразилия құрамасынан Родриго гол соғып, олар Марокконы 1:0 есебімен ұтты. Екінші ойында әлем чемпионы Аргентина пенальти сериясында ресейліктерді 5:4 есебімен жеңді. Матчтың негізгі уақыты 1:1 есебімен тең аяқталған.
Енді жанкүйерлер 29 қыркүйекте әлем чемпионатының финалына шығу құқығы үшін Аргентина мен Бразилия құрамаларының тартысын тамашалай алады.
Қазақстан құрамасы әлі жартылай финалға жолдама алған жоқ. Қазақстан енді Азияның үздік командасы және 2016 жылғы әлем чемпионатының қола жүлдегері болған Иранмен кездеседі.
Матч 27 қыркүйекте, 23.00-де басталады.
Жайна Тәттімбетова