Бокстан ұлттық құрама капитаны Абылайхан Жүсіпов әлем чемпионатының 1/8 финалына жолдама алды, деп хабарлайды Zakon.kz.
Белградта өтіп жатқан әлем чемпионатында 67 келіде қолғап түйістіріп жүрген Абылайхан Жүсіпов екінші айналымда Венесуэла спортшысы Кристиан Паласионы 5:0 есебімен ұтты, дейді Olympic.kz.
Сонымен қатар, боксшы Серік Теміржанов та әлем чемпионатындағы екінші жеңісіне қол жеткізді. Қазақстандық Серік Теміржанов жастар арасындағы әлем чемпионы Рейто Цуцумимен кездесті. Жекпе-жек 5:0 есебімен аяқталып, Серік Теміржанов келесі айналымға өтті.