Әлеуметтік желіде Жамбыл облысы ПД бастығы Жанат Сүлейменовтың қайтыс болғаны туралы қаралы хабар тарады.
ҚР ІІМ бұл ақпаратты растады. Қазаның себебі айтылмайды.
Жанат Сүлейменов 1962 жылы Қарағанды облысында дүниеге келген. Ішкі істер органдарында 1980 жылдан бастап жұмыс істейді.
Әр жылдары Қызылорда және Оңтүстік Қазақстан облыстарының полиция департаменттерін басқарды. Жамбыл облысының полиция бастығы лауазымына 2020 жылдың ақпан айында тағайындалған еді.
"Ерлігі үшін" медалімен және ІІ дәрежелі "Айбын" орденімен марапатталған.