Түркістан облысы полиция департаментінің баспасөз қызметінің мәлімдеуінше, Жетісай АПБ-нің полицейлері Жетісай қаласы көшелерінің бірінде кішкентай баланың жалғыз жүргенін байқап, одан мекенжайын, ата-анасының есімін сұраған. Алайда 3-4 жас шамасындағы бала өзінің есімін ғана білетін болып шықты. Баланың адасып жүргенін түсінген поилцейлер жедел оның үйін, ата-анасын табуға кірісіпті.
Ювеналды полиция тобының қызметкерлері баланы қызметтік көліктеріне отырғызып жақын маңдағы тұрғын үйлерді аралап, сұрастыру жұмыстарын жүргізді. Тыңғылықты жүргізілген іздестіру жұмыстарының нәтижесінде, тәртіп сақшылары жарты сағат ішінде баланың ата-анасын анықтап үлгерді. Кішкентай баланы үйіне апарып, ата-анасына аман-сау қайтарды.ТО ПД баспасөз қызметі
Полицейлердің айтуынша, ата-анасы да аулада ойнап жүрген баласын таппай әбігерге түсіп жатқан екен. Іздеп жүрген баласын полиция қызметкерлері үйіне аман-сау жіткізгені үшін ата-анасы оларға алғысын айтты.