«Алтын Орда» базарына қатысты тергеу жүріп жатыр. Әділ шешім қабылданады деп ойлаймын, бірақ шешімді күту керек. Тиісуге болмайтын ештеңе жоқ екенін өздеріңіз де көресіздер. Осы базардың иесі немесе басшысы қылмыс жасаған болса, тиісті жазасын алады, – деді Ерлан Қошанов мәжіліс кулуарында.
8 ақпанда үкіметтің кеңейтілген отырысында сөз сөйлеген мемлекет басшысы сауда саласында тәртіп орнатуды тапсырған болатын. Мысал ретінде ол Алматыдағы «Алтын Орда» базарын келтірді.
Сәуірдің 13-і күні «Алтын Орда» базарында жүргізілген тексерудің алдын ала қорытындысы белгілі болды. Салық органдарының өкілдері 1,6 млрд теңгеге заң бұзушылықты анықтады.