11 тамызда түн ортасы кезінде патрульдік полиция бригадасы Қызылорданың орталық көшелерінің бірінде жол ережесін бұзған УАЗ көлігін байқайды.
Полицейлер көлік жүргізушісінен тоқтауды талап еткен. Бірақ жүргізуші сигналдарға жауап бермей, жол жиегіне қарай қозғала берген.
Полицейлер жол талғамайтын УАЗ көлігін қала шетінде тоқтатып үлгерді.
Рульде көлік жүргізу құқығынан айырылған 46 жастағы қызылордалық азамат болған. Құқық бұзушыға қатысты ҚР ӘҚБтК-нің 612-613-баптың 3-1 бөлігіне сәйкес әкімшілік хаттамалар толтырылды. Қылмыстық іс қозғалды, - делінген хабарламада.