Іс-шара соңында жастармен тілдескен президент Отанды сүю адал еңбектен басталуы керек екенін айтты.
Отанды сүю осындай адал еңбектен, пайдалы жұмыстан басталады. Еліміздің әрбір азаматы еңбекқор болуы керек. Баршаңызды қолдаймын, мақтан тұтамын. Өскелең ұрпақ – біздің үмітіміз, еліміздің болашағы. Біз ардагер болып мәңгі билікте отырмаймыз. Менің ең үлкен мақсатым – жастарға жол беру, – деді президент Түркістан жастарына.
Қазақстан президенті Қасым-Жомарт Тоқаев 27 қыркүйекте жұмыс сапарымен Түркістан облысына барды. Мемлекет басшысы облыс жұртшылығымен кездесуінде халықаралық аренадағы жағдайға қатысты пікір білдірді.
Сонымен қатар ол бірреттік президент мерзімі идеясын түсіндірді. Оған қоса мемлекет басшысы Түркістанға рухани және тарихи елорда мәртебесін беруді тапсырды.