"Қазақстан президентінің 2022 жылғы 2 желтоқсандағы Жарлығымен Нариман Төреғалиевтің Батыс Қазақстан облысының әкімі болып тағайындалғанын білесіздер. Осыған байланысты депутаттың өкілеттігін тоқтату туралы мәселені шешу үшін біз осы ұсынысты беріп отырмыз".Орталық сайлау комиссиясының мүшесі Асылбек Смағұлов
Нариман Төреғалиев 1964 жылы дүниеге келген. Жамбыл гидромелиоративтік-құрылыс институтын және Каспий мемлекеттік университетін бітірген. Экономика ғылымдарының магистрі. 2017 жылдан бастап сенаттың Әлеуметтік-мәдени даму және ғылым комитетінде депутаты болып жұмыс істеді.
Осыдан кейін сенат депутаттары Әлеуметтік-мәдени даму және ғылым комитетінің жаңа төрағасын - Нұртөре Жүсіпті сайлады.