Маңғыстау облысы әкімдігінің мәліметінше, 11 желтоқсанда сағат 15:00-ден бастап қалада ауыз су беріле бастады. Ешқандай шектеу жоқ. 12 желтоқсаннан бастап қала тұрғындарына ыстық су да беріле бастайды.
"МАЭК және КЖСА қызметкерлері бұл жағдайды жою үшін тәулік бойы жұмыс істеді. Үйлестірілген жұмыс нәтижесінде бүгінгі күні сағат 15: 00-ден бастап қала тұрғындарына ауыз су ешқандай шектеусіз беріле бастады. Ыстық суға келетін болсақ, ертең таңертең ақтаулықтардың үйлерінде ыстық су пайда болады. Бұл жағдайда түсіністік танытқаны үшін әр адамға алғыс айтамын". Маңғыстау облысының әкімдігі
4 желтоқсанда қаладағы жылудың үздіксіз жеткізілуін қамтамасыз ету үшін ыстық су өшірілді. Қала басшысы бұған себеп "МАЭК-Қазатомөнеркәсіп" ЖШС-нің тозған жабдықтарына жоспарға сәйкес жөндеу жұмыстарының жүргізілуіне байланысты болғанын айтты.
9 желтоқсанда Ақтауда сорғылардың істен шығуын және су беретін технологиялық жабдықтардың бұзылуын болдырмас үшін ауыз су беру уақытына уақытша кесте енгізілді.