Үкімет отырысында премьер-министр Әлихан Смайылов Энергетика министрі Болат Ақшолақовтан неге кейбір өңірлердегі көмір қоры нормативтен төмен екенін сұрады. Ал министр қуат көздері қоймаларындағы көмір қоры 3 миллион тоннаға жуық екенін нақтылады.
"Бұл негізінен бекітілген стандарттарға сәйкес келеді. Алайда кейбір станцияларда бұл норма сақталмайды. Олар: Қарағанды ЖЭО, Теміртау ГРЭС - 15 тәулікке, нормасы 20. Павлодар ЖЭО-да 7 тәулікке, нормасы 10 және Петропавл ЖЭО-да 17 тәулікке, нормасы 20".Болат Ақшолақов
Оның айтуынша, энергетикалық қадағалау комитеті күніне екі рет осы электр станциялары мен ҚТЖ өкілдерінің қатысуымен селекторлық кеңес өткізеді.
"Өткен кезеңде Петропавл ЖЭО-дағы көмір қоры толықтырылды. Қазір олар ҚТЖ-мен қосымша жұмыс істеп жатыр. Әлі үш күн қалды, толтырамыз".Болат Ақшолақов
Бұған дейін Болат Ақшолақов қызыл аймақтағы ЖЭО жабдықтарын күрделі жөндеуге 2023 жылға 182 миллиард теңге қажет екенін айтқан еді.