Жамбыл аудандық ПБ-ға қарақшылық шабуыл дерегі бойынша Тараздың 27 және 37 жастағы тұрғындары шағым түсірген. Олардың айтуынша, Тараз-Қаратау тас жолында нөмірлері жоқ Lada Priora автокөлігімен үш белгісіз адам пышақ тәрізді затты қолдану арқылы күш көрсетiп, өздерінің 900 мың теңге ақшаларын иеленген.
"21, 22 және 24 жастағы күдіктілер ұсталды. Тінту барысында олардан 794 мың теңге алынды. Күдіктілердің айтуынша, олар шабуылды алдын ала жоспарлаған. ҚР Қылмыстық кодексінің 192-бабы 2-бөлігімен "Қарақшылық" бойынша сотқа дейінгі тергеу басталды. Күдіктілер уақытша ұстау изоляторына қамалды". Жамбыл облысы ПД