8 наурыз Алматы қаласы Түрксіб аудандық патрульдік полиция полкінің қызметкерлері, аға инспекторлар Санжар Әбдірайымов пен Құдайберген Тоғжанов азаматтың өзіне-өзі қолжұмсау әрекетінің алдын алды.
"Ер адам жол үстіндегі жаяу жүргіншілер көпірінің қоршауына қолымен ілініп тұрған. Жол қозғалысын тоқтатқан полицейлер жүк көлігін ер адамның астына әкеліп қойды".
Осы әрекеттер арқылы адамның өмірін сақтап, қайғылы оқиғаны болдырмаудың мүмкіндігі туды.
10 наурызда Түрксіб ауданының прокуроры Ізбасар Масақбаев, адамды құтқару бойынша жедел және үйлесімді жұмысты қамтамасыз еткені үшін, инспекторларға алғысын білдіріп, оларды атаулы қол сағаттарымен марапаттады.
Сурет: Алматы қалалық прокуратурасының баспасөз қызметі