Видеодан Роза Рымбаеваның Әлимен бірге түскен портретін қабырғадан алып жатқанын көруге болады. Оның орнына Қазақстан халық әртісі тұңғыш немересі - Зейінмен бірге түскен портретін ілуді өтінеді.
"Жекпе-жек басталмай жатып жеңіліп қалдым. Немереге қарсы еш мүмкіндік жоқ. Тым болмаса, менің портретімді лақтырмаңдар, алып кетемін. P.S. Мәди сатқын", - деп әзілдеп жазды Әли Оқапов видео сипаттамасына.
Мәди Рымбаев бұл жазбаны назардан тыс қалдырмады.
"Біз енді анамыздың жай ғана әнін әрлеушілерміз...", - деді ол.
Бұған дейін Роза Рымбаева немересінің бесік тойын атап өткенін жазған едік.
Әли Оқапов пен "Асыл" тобының солисі Ақерке Бүркітбай 2020 жылы шаңырақ көтерді. Роза Рымбаеваның әже атанғаны туралы мәлімет 2023 жылдың ақпан айында жарияланған болатын.