Ырыскелді қажы мешітінің маңындағы Есіл өзенінің жағалауын жинау кезінде волонтерлерді үйлестірушілердің бірі салмағы 2-3 кг болатын күмәнді пакет тауып алды, делінген елорда әкімдігінің сайтында.
Орама ішіндегі зат есірткіге ұқсас көрінгені айтылады.
Волонтер дереу полиция департаментінің қызметкерлеріне хабар берді. Осыдан кейін табылған заттың ішінде не барын анықтау үшін құқық қорғау органдарына тапсырылды.
Экологиялық акцияның пайдасы қоршаған ортаны тазалаумен ғана емес, адам өміріне зияны тиюі мүмкін осындай заттарды табумен де маңызды. Елордамыздың волонтерлері нашақорлықтың кез келген түріне мүлдем төзбеушілік мәдениетін насихаттап жүргені қуантады. Біз елордалық жастардың бәрін осыған шақырамыз. Қаланың жастар саясаты мәселелері басқармасының басшысы Қайрат Қамбаров
Әкімдік сенбіліктерге белсенді қатысқан қала тұрғындары мен қонақтарын күдікті заттар табылған жағдайда дереу полиция органдарына хабарлауға шақырады.
