Негізгі салтанатты шара Тұңғыш Президент атындағы орталық мәдени және демалыс саябағындағы Флагштокта алаңда өтті.
Сурет: Ақтөбе облысы әкімдігінің баспасөз қызметі
Шара басталарда саябақта жүрген мыңдаған ақтөбелік Қазақстан гимнімен қатар жалпыреспубликалық акцияға қосылды.
Сурет: Ақтөбе облысы әкімдігінің баспасөз қызметі
Кейін облыс әкімі Оңдасын Оразалин ақтөбеліктерді Мемлекеттік рәміздер күнімен құттықтады.
Сурет: Ақтөбе облысы әкімдігінің баспасөз қызметі
«Сан ғасырлар бойы бабаларымыз еркін ел болуды аңсап, азаттық жолындағы күресте қаншамасы құрбан болды. Бірде жеңдік, бірде жеңілдік. Жеңіске жетсек ол еліміздің бірлігінің арқасында. Бір жағадан бас, бір жеңнен қол шығарып, бір ауыз сөзге тоқтаған ынтымағының арқасында болды. Жеңіліс тапсақ, ауызбіршіліктің, ұйымшылдықтың жетіспеушілігінің салдары болды. Ол тарихи шындық. Одан біз сабақ алуға тиістіміз. Осыны бәрін ескерсек бiздiң санамызда «бiр тудың астына бiрiгу» ұғымы тектен текке қалыптасқан жоқ. Мемлекеттiк мерекелер мен спорттық жеңiстер секiлдi Отанымыз үшiн маңызды сәттерде рәмiздеріміздің айбыны асқақтайды. Ресми халықаралық шараларда Әнұранымыз шырқалып, көк Туымыз көкке көтерiлгенде әр қазақстандықтың жүрегiн ерекше мақтаныш сезiмi кернейдi. Біз оларды өскелең ұрпаққа насихаттай отырып, ашықтық, бейбiтсүйгiштiк, еркiндiк пен келiсiм негiзiнде Мемлекет басшысы айқындаған Жаңа Қазақстанды жүзеге асыратын боламыз. «Туы биік елдің – тұғыры биік» деген дана халқымыз. Азат елдің символы саналатын рәміздерімізді әрқашанда құрметтеп, қастерлей білу – Отан алдындағы ұрпақтардың борышы»,- деді облыс әкімі.
Шара соңында спортшылар ҚР туын ұстап парадқа шығып, көліктер жүріп өтті.
Сурет: Ақтөбе облысы әкімдігінің баспасөз қызметі