Құрылысы ұзаққа созылған нысандар кезек бойынша жанданып жатыр. Тоқтап тұрған тұрғын үй кешендерін аяқтау бойынша ауқымды жұмыс жүруде. 150 көппәтерлі тұрғын үй кешенінің 90-ы аяқталды. Қалған 60 нысанды биыл және келесі жылы аяқтауды жоспарлап отырмыз. Бүгін қаланы аралау барысында «Royal Expo» тұрғын үй кешенінің құрылыс барысымен таныстым, деп жазды қала әкімі Instagram -да.
Сурет: Александр Куприенко
Ол құрылысы ұзаққа созылған бұл нысанда 300-ден астам үлескер отбасы бар екенін айтады. Олардың бәрі жылдар бойы баспаналарын күтіп келеді.
Сурет: Александр Куприенко
Бұл нысанды аяқтау үшін инвестор жұмылдырылғаны атап өтіледі.
Сурет: Александр Куприенко
Витраждарын, терезелерін орнату, ішкі желілерді жүргізу жұмыстары жүріп жатыр, бір жерінде жабынын төсеу, сол сияқты монолитті жұмыстар және т.б. Тұрғын үй кешенін биыл аяқтау жоспарланып отыр.
Сурет: Александр Куприенко
Мемлекет басшысының тапсырмасы бойынша 16 мың үлескердің 13 мыңының проблемасы шешілді. Дегенмен әлі де 3 мың үлескер отбасы бар. Олардың үлестік құрылыс нысандары бойынша қадамдық іс-шара жоспары бар, деп сөзін түйіндейді Көлгінов.