БАҚ өкілдері LRT салу мәселесі көпшілікті алаңдатып отырғанын хабарлады. Қолдаушылар LRT көлік кептелісі мәселесін шешетінін айтады. Бірақ сарапшылар бұл жоба астаналық LRT-нің келеңсіз тағдырын қайталауы мүмкін деп алаңдайды.
Осы орайда журналистер Алматыда жеңіл рельсті көлік салу жоспарда бар ма және бұл үшін қанша қаражат қажет деген сауал қойды.
Алматыға LRT керек деп ойлаймын. Төле би көшесінде трамвай жүретін жерлер бар, қалған жерлер бар, дамуға мүмкіндік бар. Дегенмен қоғамдық кеңес отырысында халықпен кездесу барысында қазан айының басына дейін шешім қабылданатынын айттым.Алматы әкімі Ерболат Досаев
Ол бұған дейін жеңіл рельсті көлік құрылысының бірнеше жобасы, оның ішінде ЕҚДБ, кейін жеке компаниялармен қарастырылғанын еске салды.
Осы жобаларды негізге ала отырып, құнын зерттей отырып, біз өз мүмкіндіктерімізге қарай шешім қабылдаймыз. Бірақ Алматыға LRT керек.Ерболат Досаев
