Даланы қою қара түтін басқан видеолар zhaloby_uralsk_official және uralskgorod Instagram аккаунттарында жарияланған.
Zakon.kz редакциясы түсініктеме алу үшін облыстық төтенше жағдайлар департаментіне хабарласты.
Орал қаласында 5 тамыз күні сағат 11:55-те Назарбаев даңғылы, 215 мекенжайы бойынша «UMP» ЖШС аумағында №2 цехтың шатыры мен жарық шамы жанып кетті. Өрт аумағы 240 шаршы метрді құрады. Өрттің шығу себебі анықталып жатыр.БҚО Төтенше жағдайлар департаментінің баспасөз қызметі
Ведомствоның мәліметінше, өрт 12:29-да оқшауланып, 12:40-та сөндірілді.
Өртті сөндіруге Батыс Қазақстан облысы Төтенше жағдайлар департаментінің 15 бірлік техникасы мен 56 жеке құрамы жөнелтілді. Өртті сөндіру үшін жедел штаб құрылды, – деді баспасөз қызметі.
Облыстық ТЖД хабарлағандай, қаза болғандар мен зардап шеккендер жоқ.
