Апаттық жағдайлардың алдын алу мен жолаушылардың қауіпсіздігін қаматамасыз ету мақсатында 9 қаңтардан бастап № 59, №113 "Алматыэлектротранс" ЖШС маршруттарының бағыты өзгертіледі, деп хабарлайды Алматы қалалық мобилділік басқармасы.
Енді олар Құлжа тас жолымен ШААЖ-қа қарай жылжығанда Рысқұлов даңғылына шықпай көпірдің үстімен жүріп өтетін болады.
Сонымен қатар 10 қаңтардан бастап № 53 маршруттың кестесінде де өзгеріс болады.
Енді ол Кемертоған ауылына дейін жүріп, "Мектеп" аялдамасынан бұрылады да, кері қарай кестеге сай қозғалады. Бұл бағытта бұрын 8 автобус қатынаса, енді жаңа жылдан бастап олардың саны 11-ге жеткізілді.
Сондай-ақ 10 қаңтардан бастап №49 жаңа маршрут іске қосылады, деп хабарлайды Almaty.tv.
Ол Бауыржан Момышұлы метросы бекетінен Абай даңғылы - Әшімов көшесі - Сабденов көшесі - Алатау даңғылы - Алтын орда көшесі бойынша, одан әрі Карьерная көшесімен жүріп, кері бағытқа бұрылады да кестеге сай қозғалатын болады.
Бұл бағытта 7 жаңа автобус арасы 13 минуттық жиілік бойынша қызмет көрсетеді.