2023 жылғы 7 қаңтарында жөндеу-қалпына келтіру жұмыстарын жүргізу қажеттілігі туындап, Ақтөбе қаласындағы Әбілқайыр хан даңғылы мен М.Оспанов көшесінде орналасқан бірқатар көппәтерлі тұрғын үйлерде уақытша шектеулер енгізілді.
"Қабылданған жедел тиісті шаралардан кейін барлық үйлерге жылу лезде толық көлемде берілді. Айта кету керек, ауа райының қолайсыздығына байланысты Ақтөбедегі тіршілікті қамтамасыз ету кәсіпорындары мен ұйымдарында қосалқы апаттық-қалпына келтіру жасақтарының дайындығы жоғары, олар төтенше жағдайларда қолданылатын механизмдермен және материалдармен қамтамасыз етілген", - деп жазды Ержан Байтанаев Facebook-те.
Жылу, электр, сумен жабдықтау және газбен жабдықтау сияқты негізгі көздер, сонымен бірге Ақтөбенің жылу желілері штаттық режімде жұмыс істеуде және жағдай жергілікті мемлекеттік органдарының тұрақты бақылауында болады.