Pavlodarnews.kz-ке "Екібастұзтеплоэнерго" ЖШС хабарлағандай, 25 қаңтарда сағат 9.00-ден 19.00-ге дейін ТК 23 Е/Л-ден Королева 56 мекенжай бағытында жылу желісін жоспарлы түрде өшіріледі.
"Осыған байланысты кейбір жеке тұрғын үйлерде жылу берілмейді", - деді компания өкілдері.
Бұған дейін жылу желілерінде болған апаттан кейін ЖЭО жабдықтарының тұрақсыз жұмысына байланысты жөндеу-қалпына келтіру күн сайын жүргізіліп жатқаны хабарланған еді. Осыған байланысты ЖЭО үйлердегі қалыпты температураны әлі қамтамасыз ете алмайды. Сондықтан екібастұздықтар қаңтар айының жылу энергиясы төлемін қайта есептейді.
Жалпы қаланың жылу желілеріндегі 131 залал жойылды, қалған 23-і алдағы 10 күнде жойылады деп уәде беріліп отыр.
27 қарашаға қараған түні Екібастұзда тұрғын үйлерге жылу мен ыстық су беру ауқымды түрде тоқтатылды. Себеп ретінде Энергетика министрлігі жылу құбырларының тозуы жоғары, 70 пайыздан астам екенін айтты.
Кейін Энергетика министрлігі Екібастұздағы апаттың жылу электр орталығында емес, жылу желілерінде болғанын түсіндірді. 28 қарашада Екібастұзда төтенше жағдай жарияланды. Төтенше жағдай 8 желтоқсанда жойылды. 4 желтоқсанда тұрғын үйлердің барлық жертөлесіне жылу берілгені белгілі болды.
Бірақ 21 қаңтарда Екібастұзда 65 тұрғын үйде жылу қайтадан өшірілді.