Сенбіде АҚШ Қарулы күштерінің штаб бастықтары комитетінің төрағасы генерал Марк Милли ұлы державалар арасындағы ауыр қақтығыс қаупі артып келе жатқанын мәлімдеді, деп хабарлайды ТАСС.
Оның айтуынша, Ресей мен Қытай айтарлықтай әскери әлеуетке ие және олар "ережелерге негізделген қазіргі тәртіпті өзгертуге ниетті".
АҚШ күннен күнге тұрақсыз болып бара жатқан әлемге аяқ басуда. Бұл әлем ұлы державалар арасындағы күрделі халықаралық қақтығыстың орын алу әлеуетіне ие. Оның үстіне бұл әлеует төмендегеннің орнына, өсіп барады. Генерал Марк Милли
Сәуір айында Милли АҚШ Украинадағы әскери қақтығыстың алдын ала алмайтынын, өйткені бұл қарулы қақтығысты ушықтыратын Вашингтонның тікелей әскери араласуын қажет ететінін айтты. Сонымен қатар ол Украинадағы әскери ұрыс жылдарға созылатынын болжаған.
