Сәрсенбі күні АҚШ президенті Джо Байден Финляндия мен Швецияның НАТО-ға қосылуы туралы хаттамаларды ратификациялау туралы қарарды мақұлдаған cенаттың шешімін құптап, альянсты кеңейту үшін қажетті құжаттарға қол қоюға дайын екенін білдірді, деп жазды РИА Новости.
Қосылу туралы хаттамаларға қол қою мүмкіндігін асыға күтудемін әрі Швеция мен Финляндияны, өте қабілетті әскери күштері бар екі күшті демократияны тарихтағы ең ұлы қорғаныс одағының қатарына қарсы аламын. Джо Байден
Америка Құрама Штаттарының президенті сенаттағы дауыс беруді «тарихи жағдай» деп атап, конгрессмендерге осы мәселеге қолдау көрсеткені үшін алғыс білдірді.
АҚШ Швеция мен Финляндияның қауіпсіздігін қолдайды. Біз бірлескен қауіпсіздігімізге төнетін кез келген қауіп-қатерге қарсы бірлесе қырағылық таныта береміз.Джо Байден
Ресей НАТО текетіресуді мақсат етіп отырғанын бірнеше рет атап өтті. Ресей президентінің баспасөз хатшысы Дмитрий Песков альянстың одан әрі кеңеюі Еуропаға үлкен қауіпсіздік әкелмейтінін, НАТО агрессивті сипатқа ие екенін айтты.
Сондай-ақ ол Швеция мен Финляндияның НАТО-ға кіру мүмкіндігін Ресей үшін экзистенциалды қауіп деп санамайтынын атап өтті.