МАГАТЭ инспекциясы Запорожье атом электр станциясына одақтас күштердің бақылауындағы жерлер арқылы немесе Ресей аумағы арқылы келуі мүмкін. Бұл туралы Запорожье облысы әкімшілігінің бас кеңесінің мүшесі Владимир Рогов мәлімдеді.
Егер Украина билігі тұрғындарға әскери қақтығыс болатыны туралы қазан айында ескерткенінде, Украина үш-ақ күн шыдас беретін еді, деп мәлімдеді Зеленский. Оның айтуынша, биліктің ресейліктердің жоспары туралы айтпайы жаппай эмиграцияны болдырмауға, экономикадағы рецессияға және тұтастай алғанда елді сақтауға мүмкіндік берді.
АҚШ қорғаныс министрлігі Делавер штатындағы Дувр әуе күштерінің базасында C-17 Globemaster III ұшағына Украинаға арналған оқ-дәрілерді тиеу процесін көрсетті. Алайда Пентагон нақты қандай оқ-дәрілер жіберілетінін атап айтпады.
Киев халқы Украинада әскери қақтығыс басталғанда таратылған 6,5 мың автоматтың мыңға жуығын қайтарды. Бұл туралы Киев ұлттық полициясының басшысы Иван Выговский мәлімдеді.
Жоғарғы Рада Украинада отшашу және басқа да пиротехникалық заттарға тыйым салатын заң жобасын қабылдады. Украинадағы пиротехниканы тек құтқарушылар, Украина қарулы күштері мен полиция пайдалана алады. Түсіндірмеде пиротехникалық заттардың дыбыс және жарық әсерлері халықтың психологиялық денсаулығына зиян келтіретіні айтылған.
Қарапайым еуропалықтарды Украинаны қолдаудан көрі күнкөрістің қымбаттауы көбірек алаңдата бастады. Бұл туралы Bloomberg агенттігі жазды. Мақала авторларының пікірінше, жағдай жақын арада жақсармайды әрі Еуропаны қаһарлы қыс күтіп тұр. Күн суытқан сайын Батыстың Киевті қолдаудағы бірлігі бұрынғыдан да әлсірейді.