Әнші қыздардың Youtube арнасындағы видеолар 30 миллиардтан аса қаралым жинаған. Бұл жағынан оңтүстіккореялық топ канадалық әнші Джастин Биберді озып кетті. Бұл туралы Yonhap агенттігі жазды.
Каналдың 86,9 миллион жазылушысы бар. Онда барлығы 505 бейнеролик жарияланған.
Blackpink YouTube арнасы 2016 жылдың шілдесінде құрылған. Квартет бұрын Spotify желісіндегі әлемдегі ең көп трансляцияланған қыздар тобы және Ұлыбритания мен АҚШ-тың негізгі альбом диаграммаларында №1-орынға шыққан алғашқы K-pop қыздар тобы ретінде рекордтар орнатқан.
24 наурызда әнші The Weeknd әлемдегі ең танымал әртіс ретінде Гиннестің рекордтар кітабына енгені белгілі болды.