Украинадағы жағдай: АҚШ шабуыл кестеден қалып келе жатыр деп есептейді, ЕО әскери көмек қорын көбейтеді ᐈ zakon.kz

Ресей Сыртқы істер министрлігінің басшысы Сергей Лавров Батыс пен Киевтің "Ресей Федерациясы Запорожье атом электр станциясын жарғалы жатыр" деген мәлімдемелерін бос сөз деп атады;
Лавров сонымен қатар Ресейдің арнайы қызметі 24 маусымдағы жағдайға Батыстың барлау қызметтерінің қатысы бар-жоғын тексеріп жатқанын айтты;
Украина Қарулы күштерінің кестеден қалып келе жатқан шабуыл нәтижелері АҚШ президенті Джо Байден әкімшілігінің "есін жиғызды", деп жазды New York Times басылымы;
Сонымен қатар, басылымның жазуынша, Украина Евгений Пригожин мен "Вагнер" жасағының бүлігін пайдаланып кете алмады, бұл оқиға ұрыс даласындағы жағдайға әсер еткен жоқ;
Бұған қоса New York Times Америка Құрама Штаттары Украинаға берілген Bradley жауынгерлік көлігінің кем дегенде 17-сі (15%-дан астамы) зақымдалғанын немесе жойылғанын мойындайтынын жазды;
Украина президенті Владимир Зеленский халықаралық тәртіп қалпына келгенше "әлем Ресейге қысым көрсетуі керек" деп мәлімдеді;
Батыс Ресей Федерациясындағы бүлік әрекетіне байланысты жағдайға араласуға ниетті емес, бұл жөнінде Германия Сыртқы істер министрі Анналена Бербок мәлімдеді;
Еуроодақтың Сыртқы істер министрлері Украинаға әскери көмек қорын 3,5 миллиард еуроға арттыруды мақұлдады;
Германия Еуроодақтың Ресей Федерациясы Орталық банкінің тоқтау салынған активтерін Украинаны қалпына келтіруге беру идеясын құптамады, деп жазды Financial Times.

Украинадағы жағдай: АҚШ шабуыл кестеден қалып келе жатыр деп есептейді, ЕО әскери көмек қорын көбейтеді

Оқи отырыңыз

Танымал жаңалықтар