Австрияның оңтүстік және батыс аймақтарында нөсер жаңбыр жауды. Су тасқынынан ең көп зардап шеккен Форарльберг, Тироль, Зальцбург және Каринтия. Бұл туралы SkyNews жазды.
Жергілікті мамандар тұрғындарға "Жауын-шашын мөлшері 100 миллиметрге жетеді" деп ескертіп жатыр. Бұл жағдай селге және одан әрі су тасқынына әкелуі мүмкін.
Австриялық БАҚ кейбір өзендердің деңгейі кейінгі жүз жылда болмаған рекордтық деңгейге көтерілгенін айтты. Белгілі бір аудандардың ондаған тұрғыны эвакуацияланғаны хабарланды. Елдің кейбір аймақтарында нөсер 24 сағатқа дейін тоқтаусыз жауады.
Бұған дейін АҚШ-тың Флорида штатының солтүстік жағалауына күшті Идалия дауылы жеткені, оның жағалауында дауыл толқындары байқалғаны белгілі болды.