Сәрсенбі, 11 қазанда Біріккен Ұлттар Ұйымының Бас хатшысы Антониу Гутерриш Газадағы блокаданы алып тастауға және өмірге қажет ең маңызды отын, су және азық-түлік жеткізуді бастауға шақырды. Бұл туралы The Guardian жазды.
"Гутерриш аймақ басшыларымен үнемі байланыста екенін, қақтығыстың кез келген "таралуынан" сақтанып жүргенін айтты. "Мен барлық тарапты және осы елдерге ықпалы бар тараптарды одан әрі шиеленісті болдырмауға шақырамын", - деді ол", - деп жазды басылым.
БҰҰ басшысы сонымен бірге Газада тұтқынға алынған барлық израильдікті дереу босатуға және халықаралық гуманитарлық құқықты құрметтеуге шақырды.
Бір күн бұрын ДДҰ өкілі Тарик Яшаревич Газа секторына қажет азық-түлік пен суды жеткізу үшін гуманитарлық дәліз ашуға шақырды. Израиль билігі палестиналықтардың әрекетіне жауап ретінде 9 қазан күні кешке Газаға толық блокада енгізді. Газада электр жарығы, су және азық-түлік беру тоқтатылды.
