Штаттың құқық қорғау органдары жасөспірімнің "қатты мас күйде" болғанын мәлімдеді.
Полицейлердің айтуынша, үйдегі ас үй үстелінен мылтық табылды, сол маңайда қайтыс болған отбасы мүшелерінің де мүрдесі жатты. Күдіктінің қолынан қаза тапқандар:
- Әкесі — 42 жастағы Леонардо Лейва;
- анасы — 35 жастағы Адриана Бенкомо;
- әпкесі — 16 жастағы Адриана Лейва;
- бауыры — 14 жастағы Александр Лейва.
"Болжамды өлтіруші есін жию үшін жақын маңдағы ауруханаға жеткізілді, содан кейін Альбукеркедегі кәмелетке толмағандарға арналған түрмеге қамалды", – деп хабарлады билік.
Штат полициясы жасөспірімнің бұл әрекетке неліктен барғанын анықтауда.
Бұған дейін АҚШ-тағы ЖОО-лар демалысқа кеткен шетелдік студенттерді кері шақырып жатқандығы хабарланған болатын.