Ariana news жаңалықтар порталының хабарлауынша, Кабулда орналасқан студия 2024 жылдың желтоқсан айының басында жабылды.
Басылым аталған телеарнаны құзырлы министрлік "ислам құндылықтарын насихаттау, бұқаралық ақпарат құралдарын заңсыз пайдаланудан аулақ болу және қоғамдық тәртіпті сақтау үшін жапқанын" еске алады.
Тінту кезінде студияда телеарнаның жеті қызметкері қамауға алынып, өндірістік жабдықтар тәркіленді. Телеарна кеңсесінің есігінде "азғындық пен дөрекі телехикаяларды көрсетуіне байланысты бұл кеңсе бірқатар ескертуден кейін мөрленген" деген хабарландыру пайда болды.
Ауған журналистикасы орталығының (AFJC) құқық қорғаушыларының айтуынша, телеарна дари тіліне аударылған түрік телехикаяларын да көрсеткен.
"Ислам әмірлігі бұқаралық ақпарат құралдарын қолдауға және Ауғанстандағы ислами және ұлттық құндылықтарға негізделген сөз бостандығына бейілді", – деді министрліктің баспасөз хатшысы Саиф ул-Ислам Хайбер телеарнаның қайта ашылуына түсініктеме бере отырып.
Ауғанстанның тәуелсіз журналистер қауымдастығы министрліктің шешімін қолдап, билікке "еркін бұқаралық ақпарат құралдарын қолдағаны" үшін алғыс білдірді.
2025 жылдың 4 ақпанында Талибан Ауғанстандағы жалғыз "Begum" әйелдер радиостанциясының жұмысын тоқтатқан болатын.