ABC News басылымының мәліметінше, жақында Том мен Савонг есімді сиам егіздері дүниеге келген, дәрігерлер оларды ертерек ажыратуды ұсынған. Дегенмен, кенеттен Томның жағдай күрт нашарлағандықтан, ота жоспарланған уақыттан бұрын жасалды.
Егіздер 9 қазанда Моробе провинциясында дүниеге келген. Олар іштің төменгі бөлігімен жабысып туған. Екі балада ортақ бауыр және асқазан-ішек жолдарының бөліктері болды. Сонымен қатар Томда туа біткен жүрек ақауы мен бір ғана бүйрек болғаны анықталды.
Томның организмдегі сұйықтық балансын сақтауға көмектесетін маңызды ақуыз – альбумин деңгейі де өте төмен болған. Операциядан кейін аман қалған Савонг дәрігерлер бақылауымен жан сақтау бөлімінде жатыр.
Папуа-Жаңа Гвинеяның премьер-министрі Джеймс Марапе мемлекет барлық медициналық шығындарды өз мойнына алғанын мәлімдеді.
Бұған дейін Қытайда метро құрылысы бес адамның өліміне әкелгенін жазғанбыз.