Арнайы артист қыз өтіп бара жатқан адамдардан көмек сұрап, қасындағы жігіт оны ұратынын айтқан. Осы сәтте курсант Санжар Ақанұлы ғана жәбірленушіні жақтап, қасында қалып, "тираннан" құтқаруға талпынған. Жігіттің батылдығы мен табандылығына TikTok аудиториясы таңданып, жақсы лебізін білдіріп жатыр. Бұл видеоны бес миллионнан астам адам қараған.
Академияның баспасөз қызметінің хабарлауынша, курсант Ұлттық ұлан Бас қолбасшысының тәрбие және әлеуметтік-құқықтық жұмыстар жөніндегі орынбасары полковник Қайрат Үмбетовтің Алғыс хатымен марапатталды.
19 желтоқсанда Қарағанды облысының тұрғыны интернет арқылы алаяқтық жасады деген күдікпен ұсталғаны хабарланған еді. 31 жастағы ер адам TikTok арқылы алматылықтарды алдап кеткен.
