Наноспутник ионосферада жұмыс істейді. Онда құрылғы жер сілкінісінің прекурсорлары туралы ақпаратты жинай бастайды, олар жерге таралады, деп хабарлайды 24kz.
"Ең қызық миссия ионосфераны зерттеу болайын деп тұр. Атап айтқанда ионосфераны, онда болып жатқан кейбір құбылыстарды бақылау. Себебі олар - жер сілкінісінің хабаршысы. Ғалымдар жер сілкінісі болғанға дейін, бір-екі күн бұрын ионосферадағы зарядталған бөлшектер қатты өзгеретінін дәлелдеген. Бұл ионосферадағы өзгерістер мен жер сілкінісі арасындағы корреляция туралы мағлұмат береді".Инжиниринг және жоғары технологиялар кластерінің бас директоры Әмірхан Темірбай
Құрылғыны іске қосу 2025 жылға жоспарланған. Наноспутник университет ғалымдары жасаған үшінші құрылғы болмақ. Бұған дейін Түркістанның үстінен ауаның ластануын өлшейтін екі спутник ұшырылған еді. Екі құрылғы да қалыпты жұмыс істеп тұр.