QAZAQ AIR сақтандыру ұйымынан Ресей аумағында және оның әуе кеңістігіне қатысты сақтандыру төлемін ұсынбайтыны туралы хабарлама алды.
Осыған байланысты авиакомпания сақтандыру төлемі туралы мәселе шешілгенге дейін Ресейге ұшуларды тоқтатады. 12 наурызда Новосибирскіге қатынайтын рейс тоқтатылды.
Билеттердің ақысы толықтай қайтарылады, ол үшін жолаушылар сатып алу орны бойынша рәсім жасауға болады.
Егер билет flyqazaq.com сайтында сатып алынған болса, info@flyqazaq.com мекенжайына хабарласып, брондау нөмірін (6 таңбадан тұрады) жіберуіңіз керек. Егер билет агенттікте сатып алынған болса, онда сіз сатып алу орнына хабарласуыңыз керек.