Зерттеушілердің айтуынша, Алматы тауларында жалпы қырық көл бар. Оның 17-сі жіті бақылауда.
№6 көл деп аталатын су Мәншүк Мәметова мұздығында орналасқан. Көл теңіз деңгейінен шамамен 3550 метр биікте жатыр. №6 көлдің реңі ауа-райы мен уақытқа байланысты түсі сарғыштан көгілдір-жасыл түске дейін үнемі өзгеріп отырады екен.
№6 көл Шымбұлақтан 9,5 шақырым, ал Мыңжылқы бөгетінен 600 метр қашықтықта орналасқан. Морена көлінде бүгінде 180 мың текше метр су бар. Бұл судың қайнар көзі – Мәншүк Мәмет мұздығы.National Geographic Qazaqstan журналы
Журнал зерттеушілерінің хабарлауынша, климат өзгеруіне байланысты Іле Алатау мұздықтарының бәрі жаппай еріп жатыр.
2050 жылға қарай осынау тау қырқасындағы 1700 мұздықтың түгеліне қауіп төніп тұр, – деп жазды мамандар natgeoqaz Instagram парақшасында.