КТК телеарнасының мәліметінше, жылу электр орталығын газға көшіру бойынша жұмыстар кезең-кезеңімен жүзеге асырылатын болады.
Мамандар, жоспар бойынша, орталықтың бірінші блогы 2025 жылы газбен жұмыс істей бастайтынын айтады. Содан кейін қалған екеуі іске қосылады.
Қазіргі уақытта Алматыда тек екі ірі энергетикалық кәсіпорын газбен жұмыс істейді: ЖЭО-1 және Батыс жылу беру кешені.
2021 жылы 19 қарашада Мемлекет басшысы Алматыдағы ЖЭО-2-де болды. Кәсіпорынның экологиялық отынға көшуі зиянды шығарындылар санын жеті есеге азайтуға мүмкіндік береді.