Батыс елдерінің Ресейге қарсы санкциялары азық-түлік дағдарысын шешу үшін жұмсартылуы керек. 15 шілдеде Дүниежүзілік банктің, Азық-түлік және ауылшаруашылық ұйымының, Халықаралық валюта қорының, Дүниежүзілік азық-түлік бағдарламасының (ДАТБ) және Дүниежүзілік сауда ұйымының басшылары осындай мәлімдеме жасады, деп хабарлайды "Известия".
COVID-19 пандемиясы, халықаралық тауар жеткізілім тізбегіндегі бұзылыс және Украина төңірегіндегі қақтығыстың салдары өзара байланысты азық-түлік, отын және тыңайтқыш нарықтарына кері әсер етті. ДАТБ мәліметтері бойынша, 2022 жылдың маусым айына қарай азық-түлік тапшылығынан зардап шегетін адамдардың саны 82 елде 345 миллионға дейін өсті. Ұйым басшыларының мәлімдемесі
Қордаланған мәселелерді шешуге көмектесетін шаралардың бірі ретінде саясаткерлер Батыс елдерінің Мәскеуге қарсы салған шектеулердің күшін жою деп қарастырады.
2008 жылғы дағдарыс ірі сауда-саттық шектеулерін енгізу азық-түлік бағасының өсуіне тікелей ықпал ететінін көрсетті. Экспорттық шектеулерді алып тастау және инспекциялау мен лицензиялаудың икемді процестерін енгізу тасымал тізбегіндегі бұзылыстарды азайтуға және бағаны төмендетуге көмектеседі. Дүниежүзілік сауда ұйымына хабарламалар беріп отыру арқылы ашықтықты арттыру және сауда шараларының мониторингін жақсарту шешуші мәнге ие болады. Ұйым басшыларының мәлімдемесі
Сондай-ақ олар сауда-саттық шектеулерін жоюмен қатар, халықтың осал топтарына жедел қолдау көрсету, азық-түлік өндірісін ұлғайту және климатқа төзімді ауыл шаруашылығына инвестиция салу қажет деп санайды.
