YK-news.kz "ҚТЖ" АҚ-дағы дизель отынын ұрлау фактісі бойынша қылмыстық істі тергеу шеңберінде мұнайды жеткізушіден бастап түпкілікті сатып алушыға дейінгі көтерме кәсіпорындар арасында асыра делдалдық белгілері анықталғанын хабарлайды.
ШҚО бойынша ЭТД басшысы Айдын Молдабеков "ҚТЖ Жүк тасымалы" және "ҚТЖ Жолаушылар локомотивтері" компаниялары сатып алушылар болып табылатынын атап өтті.
Оның айтуынша, делдалдардың кесірінен локомотивтерге арналған дизель отынының бағасы шамамен 30%-ға өскен.
"2023 жылы аффилиирленген компаниялармен жасалған барлық заңсыз шарттар бұзылды. Дизель отынын сатып алу "ҚазМұнайГаз" АҚ Ұлттық операторынан тікелей жүргізілетін болды. Нәтижесінде мемлекеттік үнем 18 млрд теңгеден асты", - деді Айдын Молдабеков.
Жанармай айналымының көлеңкелі схемасын ұйымдастырушылар сотталып, қылмыстық жауапкершілікке тартылды.
2024 жылы 2 сәуірде Павлодар қаласының №2 сотында "ҚазАвтоЖол" Ұлттық компаниясы" АҚ Павлодар облыстық филиалының директоры мен бас маманына қатысты қылмыстық іс қаралды.
