Таныстырылым "Денсаулық көрсеткіштерімді бақылағым келеді" деген қарапайым сұраудан басталды. Kasper бұл мәселені шешудің бірнеше нұсқасын ұсынды. Одан кейін әңгімелесу барысында смарт-сақиналардың үздік үлгілерін салыстырып, олардың iPhone-мен үйлесімділігін ескеруге және қажетті өлшемді анықтауға көмектесті.
"Әлемде жасанды интеллектіні клиенттер үшін нақты пайдалы әрекетке айналдырудың мысалдары әзірге өте аз. Біз бұл технологияны іс жүзінде қолдануға ұмтыламыз. Қазақстанда қазірдің өзінде күнделікті қолдануға арналған суперқосымша бар — мұндай бірегей өнім әлемнің басқа елдерінде іс жүзінде жоқтың қасы. Ендігі міндетіміз — күнделікті қолдануға арналған дербес көмекші жасау", — деді Михаил Ломтадзе.
Михаил Ломтадзенің айтуынша, Kasper — Қазақстанда жасалған Kaspi.kz-тің төл әзірлемесі. Сервис клиенттің қалауын ескеріп, пікірлерді талдайды, тауарлардың сипаттамаларын салыстырады және күрделі терминдерді қарапайым тілмен түсіндіреді. Онымен қазақ, орыс, ағылшын және түрік тілдерінде сөйлесуге болады.
Іске қосылған сәттен бері Kasper-ді бір миллион адам пайдаланып үлгерді. Михаил Ломтадзенің айтуынша, ең бастысы – пайдаланушылардың сервиске қайта оралуы. Ол мұны қызмет сапасының негізгі көрсеткіші деп санайды.