Гарвардтағы Т.Х.Чан атындағы қоғамдық денсаулық сақтау мектебінің жұқпалы аурулар жөніндегі сарапшысы, доктор Сара Форчун балалардың коронавирустың "дельта штаммын" жұқтыру қауіпі мен ауруы қаншалықты ауыр жүретінін айтып берді, деп хабарлайды zakon.kz.
Қазіргі "дельта" толқынында біз осы ауруды жұқтырған 12 жасқа дейінгі балаларды көріп жүрміз, - дейді доктор Форчун Российская газетаға берген сұхбатында. Олар да ауруханаға түседі, Құдайға шүкір, ересектермен салыстырғанда өлім жағдайы сирек болады.
Сарапшының айтуынша, 12 жасқа дейінгі балалар арасында коронавирус инфекциясымен тіркелген жағдайлар көлемі шамамен 13% құрайды, ал 100 баланың біреуі ғана ауруханаға жатқызуды қажет етеді.
Осы айдың ішінде вирустың кесірінен қайтыс болғандар арасында балалар жоқ. Керісінше, 80 жастан асқан ересектер тіркелген жағдайлардың екі пайызын, ауруханаға жатқызудың 30 пайызын және өлімнің 30 пайызын құрайды. 12 жасқа дейінгі балалар кез келген ортада екпе алған және алмаған адамдарға дельта жұқтыруы мүмкін. Алайда, екпе алмаған балалардың қатты ауыру қаупі екпе алмаған ересектерге қарағанда әлдеқайда төмен, - дейді Форчун
Алайда, дельтаның таралуынан АҚШ секілді біраз елдер мен өңірлер "әлеуметтік арақашықтық сақтау мен бетперде тағу сияқты" әдістер арқылы ауру жұқтыру қауіпін төмендетуге болады деп санайды, - деді ол.
"Біз инфекциядан бір ғана бала қайтыс болды" деп, оған көз жұма қарамауымыз керек, оның орнына екпеге және ауруды жұқтыру қауіпін төмендетуге баса назар аударып, жалпы қоғам ретінде жағдайды бақылауымыз керек, дейді ол.
Жайна Тәттімбетова