"Газета.Ru"мәліметінше, асқабақтың құрамында калий, С дәрумені және басқа да микроэлементтер бар. Сонымен қатар ол адамды жақсы тойдырып, тағамның калориясын айтарлықтай арттырмай-ақ, рациондағы көкөніс мөлшерін көбейтуге мүмкіндік береді.
100 грамм шикі асқабақтың құрамында небәрі 22 килокалория бар. Асқабақтың ерекше сарғылт түсі каротиноидтарға, ең алдымен, бета-каротинге байланысты. Ол адам ағзасында А дәруменіне айналуы мүмкін. А дәрумені көру қабілетінің, тері мен иммундық жүйенің қалыпты жұмыс істеуі үшін қажет, – деді техника ғылымдарының кандидаты Дмитрий Быстров.
Асқабақтың дәнін де тастамаған жөн. Оның құрамында өсімдік ақуызы, май қышқылдары, магний мен мырыш бар.
Асқабақтың тағы бір ерекшелігі – оны пайдалы қасиеттерін айтарлықтай жоғалтпай, пісіруге, бұқтыруға, буға дайындауға, сондай-ақ сорпа мен ботқаға қосуға болады. Каротиноидтар қалыпты термиялық өңдеуге жеткілікті төзімді.
Бұған дейін дәрігерлер танымал сусындардың – шай, кофе, матча және каркаденің адам ағзасына қалай әсер ететінін айтып берген еді.